നീയും ഞാനും

നീയെത്ര പെയ്ത് തീര്‍ന്നിട്ടും ഞാന്‍ നിറഞ്ഞില്ല,
മുടിയഴിച്ചിട്ട് കൊടുങ്കാറ്റായ് വന്നിട്ടും ഞാന്‍ ആടിയുലഞ്ഞില്ല,
ഒടുവില്‍ ഇടിമിന്നലായ് വന്ന് എന്നെ തൊട്ടപ്പോഴാണ്
നീയും ഞാനും അലിഞ്ഞില്ലതായത്.പ്രണയം പുണലരലും ഇല്ലാതാകലുമാണ്

പ്രണയ മഴ

എന്റെ നെടുവീര്‍പ്പുകള്‍ ആവിയായ് കുമിഞ്ഞു കൂടിയാണ് മേഘങ്ങള്‍ ഉണ്ടാകുന്നത്.
അവള്‍ പറഞ്ഞു.

എന്റെ ആശയുടെ കിരണങ്ങളാണ് മിന്നല്‍ പിണരുകളാകുന്നത്.
അവന്‍ പറഞ്ഞു.

എന്റെ ഹൃദയമിടിപ്പുകളാണ് ഇടിയൊച്ചകളായി നിന്റെ കാതില്‍ എത്തുന്നത്.
അവള്‍ പറഞ്ഞു.

വീണ്ടും അവള്‍ പറഞ്ഞു:“ഇനി എനിക്കൊന്ന് പെയ്തു തരണം”

അവള്‍ പറഞ്ഞു തീരുന്നതിനു മുന്‍പ് അവനൊരു കാറ്റായി , കൊടും കാറ്റായി മാറി.........